«Математикалық регата» турнирі
02.12.2022Математика пәні мұғалімдерінің арасында өткен облыстық «Математикалық регата» турнирі
Батыс Қазақстан облысы білім басқармасы Білім беруді дамыту орталығының жұмыс жоспарына сай ағымдағы жылдың 2 желтоқсан күні Тасқала ауданы, «Сәулет» мектеп-лицейі базасында білім беру ұйымдарының математика пәнінің мұғалімдерінің мәртебесін көтеру, тәжірибелерін насихаттау және қолдау мақсатында «Математикалық регата» турнирі өткізілді.
Турнирге аудандардан 12, облыстық мектептерден 3 команда қатысты. Командалар төрт кезеңнен тұратын сайысқа түсті. Қорытынды кезеңінде байқауға қатысушылардың жұмыстары талданды, шешім шығарылып, жеңімпаздар анықталды.
Турнирдің қорытындысы бойынша төменде аталған қатысушылар тобы сыйлықтар, дипломдар мен грамоталармен марапатталды.
І орын – «IT жұлдыздары» командасы Облыстық дарынды балаларға арналған мамандандырылған ақпараттық технологиялар мектеп-лицей-интернаты;
ІІ орын – «Модуль Х» командасы Дарынды балаларға арналған С.Сейфуллин атындағы №11 облыстық мамандандырылған мектеп-лицей-интернаты ;
ІІІ орын - «Бәйтерек» командасы Бәйтерек ауданы;
ІІІ орын - «Факториал» командасы Жәнібек ауданы;
«Үздіктің үздігі» номинациясы - «Ақжайық» командасы Ақжайық ауданы;
«Үздік математик» номинациясы - «Квант» командасы Тасқала ауданы;
«Ұшқыр ойлы математиктер» номинациясы - «Қос өзен» командасы Казталов ауданы;
«Мобильді» номинациясы - «Евклид» командасы Теректі ауданы.
Community discussions
Обсуждений не найдено
-.jpg)
.jpg)
